I flyktningbusettinga Kiryandongo i Uganda bur flyktningar frå Sør-Sudan tett saman. Smitte spreier lett. Mange unge har mista foreldra sine, og bur derfor saman med besteforeldre i risikogruppa. I flyktningleirar er det vanskeleg å få informasjon om korleis ein skal takle koronakrisa. Der er det viktig at KFUK-KFUM Global samarbeider med helsemyndigheitene i Kiryandongo om å gi folk informasjon, til dømes gjennom radioprogram på fleire språk, slik at alle forstår. 

Mange internasjonale organisasjonar har sendt arbeidarane sine heim frå Kiryandongo for å unngå smitte. For dei tilsette i KFUK-KFUM Global som framleis er i Kiryandongo er situasjonen krevjande. Pandemien skapar meir arbeid, og det gjer at må få dei pengane som fins til å nå endå fleire med livsviktig hjelp. Traume mange unge ber på som eit resultat av krig og konflikt slepp ikkje taket sjølv om ei ny utfordring dukkar opp. Derfor er det viktig at arbeidet med psykososial støtte som våre tilsette driftar held fram, også under pandemien. Vegleiarane tek no samtalane over telefon på grunn av smitterisiko, men prøver å gjere jobben som før. Dette er berre mogleg fordi vi mottek støtte frå deg og fleire andre til å gjere desse aktivitetane. Tusen takk for at du støttar oss, slik at vi kan halde fram med arbeid for unge menneske også i krisetider!

Foto: Patrick Wanyiri